رابية الأحمد سوريا
ساعي البريد
دق الجرس عالباب صحاني
ساعي وعم يسأل ع عنواني
حامل بأيدو باقة ورد أحمر
ومن بين كل الناس ناداني
كان الظرف مختوم ومعطر
وأسم الحلو مكتوب ومسطر
ومضمون هالمكتوب شي أخطر
موجوع قلبو كتير بكاني
راسم قلب مجروح ينزف دم
حروفو حنونة وللجرح بلسم
يقلي أنا عم موت شايل هم
بعدك ياحلوة كتير أذاني
عيونو مع الكلمات عم تدمع
يقلي أنا مشتاق رح ارجع
بعوف الدني ماعاد شي ينفع
أبقى العمر عايش بأحزاني
بقلمي رابية الأحمد
