احمد مصطفى الهلالى
مصر
بحــــــــبك…
قصة ورواية بغنيها كما العاشقين
ولحظة حب لمستني غرام وحنين
يا كل الناس أنا منك يا عشق سنين
عبيرها سلسبيل قلبك ونبض وتين
غرامك ألف طاقة نور
وحبك في الفضا منثور
فيعشق قلبي دقاتة
وأردد في الفضا اسمك
وأحضن في البراح حلمك
وأستنى وأتمنى
وأعيش وكأني بالجنة
وأبعت لك رسايل عشق مكتوبة
تلامس فجر أيامك
تفيض من روحي تراتيل
وتسكن نبض قلبي سلام
وتبقى الخطوة على الخطوة
بتحرسني وتهديني
وتغمر عمري وسنيني
وتتواعد لألف حياة
نسايم شوق وبر أمان
فترسلني لشطآنك مع ألاحلام
