المهدي تركي الرياحي
جيت لك يغسلني الغفران من كل الخطايا
مابقى في ذمتي عيباً والا فيها زريه
لو تصورني لقيت بداخل فوادي مرايا
كل ضلعٍ من ضلوعي محتضن له مزهريه
بيني وبين الليال المقمره سرد الحكايا
كانها تمنحني اطلع عن حدود الجاذبيه
جيت كلي لك وضوحٍ ولا اتخفى في الزوايا
وما انتمي في سيرتي للبهرجه والعنصريه
اللتبس بشت الوقار وعندي اسراري خفايا
وان حكيت احكي همومي للحياة النرجسيه
والوفاء ماراح مني دام باقي لي بقايا
ما ملكت من الحياة الا انت و النفس الابيه
لا تسالني عن عطاء وانا وما املك عطايا
ان عطيتك بالحقوق وان بغيته لك هديه
والا توصيني وانا ما احتاج في حبك وصايا
انت جزء من حياتي لا توصيني وصيه
وماعرف قدري سوى الوافي من اوساع النهايا
ها هنا يمكن وجودي دام باقي لي بقيه
