ابو تركى الشاعر  

ما قلت هذا الكلام انه نتائج زعلّ

والا من اجل انشهر بالحب يوم انشره

صحيح فالحب ما كنت ادعي اني بطلّ

مهما طغى كنت احاول أنكره واستره

حتى اكتشفت ان نصف الحب كله دجلّ

كم واحدٍ صدقه وانغر به ودمره

وانا باوضح لكم بعضٍ من اللي حصلّ

واخفي بعضها بصدري واجحده واقبره

كانت مثل بسمةٍ على شفايف طفلّ

حتى خطاية تجيني عنه متعذره

وكانت مثل جوهرة و البدر فيها اكتملّ

وماعاد هي بدر لا والله والا جوهره

لكن صارت مثل نجمٍ تضأءل وافلّ

ماعاد يذكر مكانه واحدٍ يخبره

صارت ليا مرت بفكري تروح بعجلّ

ماعاد تاتي وهي با النور متبختره

ترى التهور يابنت الناس يهلك دولّ

انتي حصلتي على الخسران والمصخره

لا تدعين النجاح انتي اساس الفشلّ

وكفي لسانك عن التهريج والثرثره

واستهلكي ما بقى لك من كلام وفعلّ

اسمك من اسماء عليها سالت المحبره

يهون موتي عليه مثل موت النخلّ

ما ابغى يقولون موته من سبايب مره

جروحي اضمها لو كان ماتندملّ

واوراقي اللمها لو كان متبعثره