شوية حكي بالعامية
قديش في أرواح تعبانة وقديش في قلوب بتعاني
ناس من الحزن ضجرانة .
وناس بيوتها بالضحكة عمران .
ليش الناس تغيرت ليش الأبتسامة رحلت .
حتى القلوب بتحسها ملت
وأرواحنا تلفت .
وين زمان الطيبة وين الذهب العتيق .
اللي كنا نمشي سوا بنفس الطريق
وع حكاياتن نصحى ونفيق .
كانت البركة بعدا موجودة
وعلاقتنا بين البشر محدودة .
وكانت الناس عالعيشة محسودة
ليش ماحدا راضي
وكل واحد مفكر حالو قاضي
حل مشاكلك قبل ماتكون للحكي فاضي .
وقعود مع حالك شوي يمكن تقول عادي .
شو العادي بالموضوع
العادي تبعد عن أخوك .
العادي ما تذكر أمك وأبوك .
قديش ياحسرتي تعبو لحتى ربوك .
كانت أمك متل شمعة تحترق وتدوب .
قديش سهرت وقديش بكيت دموع مرة حزن ،ومرة فرح ،ومرات طقت من القهر .
وماعاد ينفع لادوا ولاطبيب .
أبوك قديش ضحى وتعب كرمالك
يقطع عن تمو الأكل .
عمر وخبالك
مشغول تفكيرو معقول ماعن عبالك .
لو أتصال صغير تحاكي عجوالك .
اعذروني لو ما عجبكن كلامي
بس الحقيق ماتت النخوة والشهامة .
خلص الحكي
خربشاتي
