الشاعر : محمد عبد العزيز رمضان
لو تسأليني هتعرفي
إني في بحر الشوق غريق
لما بقرب بتبعدي
أنا نفسى القى يوم طريق
ياما ناديتك في غربتي
ماليا صاحب ولا صديق
أنا تهت تاهت ضحكتي
ولقيته قاسي ومش رقيق
لو تسأليني هتعرفي
الحب عندي مش كلام
لو يوم قدرتي تهجري
مش راح هيكفيني الملام
بكرا هتيجي وتندمي
هبعد ومش هرضى السلام
وبإيدي هقفل قصتي
مليت يا قلبي من الخصام
لو تسأليني هتعرفي
الحب بينا مالوش وجود
ومعايا كنت بتوعدي
أنا ياما صدقت الوعود
مهما حاولت بتبعدي
وصبح مابينا ليه سدود
همسح دموعي وهبتدي
هبعد ومش، ممكن هعود
لو تسأليني هتعرفي
راح حبي أصبح مستحيل
فكرت إنك دنيتي
والقلب مش ممكن يميل
وخلاص هغير سكتي
والدمع مش هو الدليل
والليل أنيسي في وحدتي
والغدر صعب ومش قليل
ذادت همومي وغربتي
وصبح ما بينا طريق طويل
أنا تهت تاهت خطوتي
والحب كان آخره الرحيل
