المهدي تركي الرياحي
طيفك من اقصى مسافاتي يناديني
وانا جميع المشاغل لاجلك اهملها
وقربك ليا جاء صقيع البرد يدفيني
وسمائم القيض لاهبت يعدلها
أسمك مسح كل الاسماء من عناويني
أقراء حروفه و تسعدني وارتلها
حتى لو البعد يرهقني ويضنيني
ونفسي من العشق يقتلها تزملها
اقل شئأً يجيني منك يرضيني
ويكبر ويأخذ مساحة ما اتحملها
انا لو أصأفحك هذاه يكفيني
هاتي يدك في يديني لاجل اقبلها
ربي خلق كل شيً فيك يغريني
يكثر ما اخلى بنفسي واتأملها
من سحبك الممطرة عطشان واسقيني
نفسي على ماك يابستٍ بلايلها
لو كان تبطي بها ما إحنا بعجليني
ابننتظر لين ما ربك يسهلها
خذ كل شيً تبيه إلا نظر عيني
من شان اشوفك واغمض وانت داخلها
صورتك منها تجمل باقي سنيني
وانسى الذي شافت عيوني من اولها
ونعيش كل الوفاء اللي بينك وبيني
وسنيني اللي مضت من قبلك اهملها
على محبتك لا. لا. لاتوصيني
حبك وصل بي امورٍ وانت تجهلها
حباً لو اقسمه يسعد ملاييني
ويطهر قلوب بعض الناس وعللها
