المهدي تركي الرياحي
مادام صمت المقابر ما يشد انتباه
تبقى المواعظ فقط للي يقولونها
والموت عادي يمر وياخذ اللي يباه
واهل الجنازة خلال ايام ينسونها
والقصة اللي ما يكتبها مداد الرواه
خافت ومن خوفها صاروا يخافونها
كل النجوم التي كانت تدل السراه
غابت وضاعت معالمها وقانونها
والبوصلة حائرة ما تعرف الاتجاه
تمشي كما يرغبون اللي يديرونها
نخطي وننسب خطانا من ضروف فالحياه
في فكرةٍ نقنع اللي ما يعرفونها
مادام الاعمى ما يفرق عن صباحه مساه
ويش ظنكم في قلوباً عميت اعيونها
