الشاعر : محمد عبد العزيز رمضان
يا حبيبتي يا أمي يا نور عيني
يا حكاية جميلة وهبتيني
من دمك يا أما ومن روحك
وأتحملتيني رغم جروحك
وسهرتي دعيتي عشان أكبر
ربنا حقق كل طموحك
يا حبيبتي يا أمي أنا مش ناسي
إنك غالية وأهلي وناسي
إنك عمري وروحي وقلبي
إنك كنزي وكل أساسي
أنا نفسي يا أمي أكون ليكِ
سعدك فرحك وأهنيكِ
وأوهبلك قلبي ولو أقدر
آخد من روحي وأديكِ
وأشيل همك مش هتأخر
عنك يا حبيبتي وهفديكِ
لما أكبر يا أما هكون سندك
من كل الدنيا وهحميكِ
يا حبيبتي يا أمي أنت هدية
ودموع عينك غاليه عليه
محفورة في قلبي ومرسومة
وعرفت معاكي الحنيه
ولربي أنا بدعي وبتمنى
يحميكي من كل رضيه
يا حبيبتي يا أمي بقولهالك
مهما أبعد أنا بتمنالك
تبقي سعيده وراضيه عليه
ولكل الدنيا أجيبهالك
شمسي وقمري كلي عشانك
أجمل صورة أنا برسمهالك
وهقولها ومش ممكن أخبي
في الدنيا مافيش حد مثالك
