الشاعر:أحمد عبد الحق
أرجع تاني
لازم ترجع
أكتب حرف جميل علشاني
ألمك يوجع
أرسم وأكتب تاني وتاني
أوعاك تنسي إنك مبدع
أوصف ليهم معني الحب
فهم فيهم تفرق إيه
تعيش موجوع
أمسح يلا أي دموع
كل كلامك بيخش القلب
أوعى يهمك أي عزول
أي حسود ..أي حقود
عودتني ديما بصلابتك
أخرج تاني من صمتك
متعودتش أحسك بسكوت
أكتب يلا وأنا وياك
كل ماتيجي تحس بوجعك
حس بأني أنا جواك
صعب حبيبي أشوفك صمت
كل حروفي تحت إشارة
وادي إمارة
دوري إني أكمل دورك
حس حروفي أحس شعورك
ولو حاولوا يطفوا الشمس
هبقي أنا نورك
لو جف الحرف بوجعك
بين الاه هبقي بذورك
أنا ياحبيبي رغم مشاعري
نقطة وهايمه في بحورك
أقول حاجه وتصدقني
أوقات بيوحشني حرفك
ساعات بيوحشني غرورك
أعشق كل اللي مكتوب ليا
بحسك برقة قلبي معاك
طول ما أنا صاحيه ببقي معاك
وأما أنام بحس بروحي
وببقي بقلبي ياروحي شايفاك
