المهدي تركي الرياحي
يانخلة الوادي اللي يبس فيك الجريد
قولي لنا عمرك اللي راح هو كم سنّه
نافست بمناقصة مافي حسابي رصيد
والمكسب اللي كسبت العام ما نضمنّه
مترددٍ ويش أقول من الكلام المفيد
من كثر ما أسمع نشاز ما عرفت اللحنّه
الله يحسن ختامك ياجزيل القصيد
دفن مع المبدعين وفوقه الاكفنًه
أبحث وتعبت فكري لأجل بيتأً فريد
يحتاج ترويض مثل مروض الأحصنًه
أحيان يجتاحني رغبة لشئً جديد
وأحيان ما أقدر على بيتأً بطول السنّه
وأحيان أشوف القريب اللي أمامي بعيد
والمشكلة شئ في يدّي وأنا أبحث عنّه
من كثر ما يطرحون المجتمع من نشيد
الذايقة صابها تخمة وعافت مّنٌه
غطى الذي ما يفيد الجيد اللي يفيد
من كثر ناسٍ ترتوت صحت اللالسنّه
أصبحت أهني جهالة كل شخصٍ بليد
لا إنه يعيش بخيالاً خارج الأزمنّه
واليوم مضطر أجاريهم ومن غير قيد
واللي بصدري هو اللي ما أحد يدري عنّه
