المهدي بن تركي الرياحي
إذا حلمنا يجي حلمٍ تحقق تمام
مانحلم إلا يصير الحلم مثل اليقين
يابلادنا عيدي عيدٍ به العز دام
يشرق به النور للعالم من المسجدين
عيد الوطن كلنا نستقبله باللتحام
ماعندنا حزبٍ ايسارٍ وحزبٍ يمين
العالم اليوم ينظرنا بكل إهتمام
في رؤيةٍ تعبتهم من مئات السنين
وحنا صنعنا بها الأمجاد في ظرف عام
في معجزة رغم أنُوُف العالم المحبطين
الله يزيدك ونفرح فيك في كل عام
وأنتي بخير ورخاء وملوكنا سالمين
أشرق بك النور من عبد العزيز الإمام
يابلادنا الدانه اللي تسعد الناظرين
سماك سحب ومطر وأسراباً من الحمام
في كل يوماً على صرح العلاء تصعدين
والراية اللي بها التوحيد فوق الحسام
من حولها تجتمع دوله وشعب فطين
المملكة دار عز ودار عدل و سلام
ومن فضل ربي جعلها قبلة المسلمين
يادارنا انتي مكان الأمن وأحسن النظام
وأنتي وصلتي مكانة تسعد العالمين
في نهضة شاملة تحظى بكل اهتمام
متابعه من ملك وولي عهدٍ أمين
فيها سواعد بناء فيها عقول الكرام
فيها أخلاص وولاء وبربها تستعين
أهدافنا رؤيةٍ وأنظارنا للأمام
وعزمٍ على الحق ثابت قاسياً مايلين
حنا نعرف اللائام وعارفين الكرام
وما يكره المملكة إلا من أصله هجين
وحنا نراقب بصمت وعيننا ما تنام
وإذا زعلنا على من غره إبليس شين
نصبر ونعطي فرص ومؤجلين الخصام
حتى نشوف الخطأ يكبر على صابرين
نعرف ويش اللي يديرونه وحوش الظلام
ونعرف متى ننهي اللي خان والظالمين
واللي ما يهتم فينا مال حجمه مقام
ونجزاه مثل اللي قدمنا لنا مرتين
الله خلقنا كذا ما نعرف الإنهزام
طبعٍ ورثاه ونوصي به الوارثين
