المهدي تركي الرياحي
السعودية- جدة
يدور بخاطري فكرة لها اياماً تجي وتروح
عنيدة كل ما بلورتها تكبر وتعصاني.
ابيها تطمئن وتستحل اكثر خفايا الروح
وتعيش بنبضي اللي فوق احاسيسي ووجداني
وخذت مني بعض شيً من الممنوع والمسموح
وكسبت من الغنى اللي عن شديد الفقر ما اغناني
يجيك اللي يحسب ان الكرامة دمها مسفوح
ما كنه يعرف ان إلها وطن في كل الاوطاني
ياعزي لشجاعة من جبانٍ يطعن المذبوح
مايدري انه بطعن الميت اظهر وجهه الثاني
لكن اقول جر الصوت واطرب يا حمام الدوح
ما تلقى اللي يروعك وانت ساجع فوق الاغصاني
انا طول السنين الماضية يصعب علي البوح
جميع اللي بقلبي ما يجي طاريه بلساني
اطالع فالشموس اللي تطل ونورها مفضوح
وانا شمسي ما تشرق غير لي بالمشرق الثاني
محصلتي عناوينٍ تحتهن يختفن اجروح
تجي في مذكراتٍ يحملن اسمي وعنواني
✍️المهدي تركي الرياحي
