مخاطبة الذات

السعودية – جدة

ياضميري مشترين الضماير ماشروك
ماتغير لو تغير طبع كل الآنام

مخلفين الناس عن طيبهم ماغيروك
ولو تحس انك تغيرت عينك ماتنام

ما يحبك فالبشر مثل حب امك وابوك
لو فرشلك من يصيد الفرص ريش النعام

ولو تنازل عن مباديك صفوا لك وجوك
صف متاخر وصفين عندك بالامام

لا يهمك لو يمرونك و ما عبروك
انت فوق ادراكهم لا تلحقهم ملام

سيرتك معروفه ومثبته مثل الصكوك
وفوق منكبك النياشين واكثر من وسام

لا تحرا عالم ٍ في دجى ليلاً دكوك
مثلهم مثل العمى مايشوف الا الظلام

لو جمعت الفين منهم صديقٍ ما نفعوك
اصدقاء ذا الوقت ماعندهم غير الكلام

ولو تعلق لك عباية على احدى الشبوك
امتلت ساحاتها من مجاريح الغرام

من مزورة العواطف مصبغّة السلوك
الهيام اللي مداهيلها واد الهيام

شفتهم في كل سوق ومقاهيها بروك
الخفاف اللي يطيرون مع صوت الحمام

ذا سببهم ياضميري والا حولك شكوك
لا غرابة يوم في الذايقة صار انفصام
✍️ المهدي تركي الرياحي