مطار عروس البحر
السعودية -جدة
اجي في مطارك ياعروس البحر مبغاه
اعد الدقايق منتظر داخل الصاله
ادور على اللي غلق الصيف ما شفناه
اظنه يجي راجع لداره ومدهاله
الا ياجوازات المطار افزعوا بالجهاه
ليا مركم كلٍ يحطه على باله
ترى وصفه انه نادر الشكل والاشباه
منه ما تطيح العين في اقفاه واقباله
طويلة معنق تسحب الليل من مسراه
وان لدت يجي صبحٍ لو الصبح في فاله
طبيعية تمشي بمشيً تعد اخطاه
ومن شافها يقول بالمشي مختاله
اوصف حلاها شعر والشعر فيها تاه
مابه شاعر بليغ فالوصف قد قاله
غديرٍ مكانه عسر ماحدٍ شرب من ماه
وسحابه يمر الناس ما يمطر خياله
عشقت الهوى واليوم ماعاد ابي طرياه
من اسباب لوعاته وهمه وغرباله
ماعاد اقدر اكمل والا ارجع واقول انساه
تساوت عذابيني وانا حالتي حاله
✍️ المهدي بن تركي.
