رابية الأحمد_سوريا
قالت بقرأ بالفنجان
بفك السحر ال صرلو زمان
وكلماتي طابو أخضر
بتكشف أسرار الأنسان
هاتي فنجانك يابنت
ياما قبلك أحسب كنت
قولي بحروفك أمنت
ورح فرجيكي كلشي خان
عندك هالشب الأسمر
شايف حالو المعتر
طول نهارو بيتمختر
بيتظاهر أنو عشقان
قلك أنو بيملك بيت
وقبلك وحدة ماحبيت
كذباتو متلن مالقيت
محسوبك أكبر خوان
عامل قلبو تسلاية
للرايح واللي جاية
كبرت عندو الحكاية
كأنو شي سوبر مان
جبلك من فترة سنسال
وخاتم فضة وساعة وشال
سارقهن أكبر محتال
مبرمج عقلو ع النسوان
أهلو من عيلة كبيرة
وبيو مختار الديرة
غلطاتو منا صغيرة
بحلف أنو براسو جنان
أنت وحدة مجنوني
خيبتي كل ظنوني
طلعتي متلو بتخوني
اللي حبك عمرو خسران
