رابية الأحمد.
رح حلفك باللي بتعبدو تقلي
قديش كنت تصوم وتصلي
وتدعي لربك نلتقي شي نهار
وتكون بيدك حامل الدبلي
قديش قلبك عاش بالحرمان
متل الورد فوق الغصن دبلان
دموع وحزن ماكان بالحسبان
بقلبك وجع صار وألف علة
تذكر ع هاك المفرق مشينا
نغني سوا والحب يكوينا
نرسم صور ع شجرة الكينا
نلملم صدى حكايات بالسلة
حلك يا إبن الناس تنسال راح
وتترك قلب مليان كلو جراح
مطرح ما كنا ناكل التفاح
تقلي دخيلك لابقا تفلي
