سلم على نفوس(ن)كبار منيفه

سلم على أنفوس(ن) كبار(ن)منيفه…………….

تحفظ حقوق الصحب والأهل والجار

 

تشرف على رجم المعالي الكليفه…………………..

وتحط لك فوق المجرات مسفار

 

أن قابلك بالبشر يعز ضيفه…………………..

كنه إذا جيته تلبسه دسمار

 

وإذا نخيته يرفعك ياحليفه………………..

مده كبير وما يدور للأعذار

 

مكان ربعه في فؤاده وجيفه…………………

ماله حدود في مقامه والاسفار

 

يفرش لمن ينصى مكانه قطيفه………………..

والعود الأزرق من حواليه يندار

 

بسمة احجاجه تسعدك ياوليفه…………………

يشرف على راس الكرم وين ما سار

 

مثل الوبل يحيي بلاد (ن)منيفه……………….

والجود مثل الوبل يمين ويسار

 

لخوة الأخيار شيد سقيفه…………………….

عن الغثى والشين وسبر الاخطار

 

قد قال إبن سجوان ونفسه مريفه………………..

يوم الزمن سامه وفي حاله احتار

 

[يمنى(ن)بلا يسرى تراها ضعيفه…………………….

ورجل(ن)بلا ربع(ن)على الغبن صبار]

 

أبيات من زين المعاني حصيفه………………….

محمله بمثال تروى للأخيار

 

اللي عرفها صار يصرف صريفه…………………..

يشرف عليها من تعزوى ويختار

 

هذا ويا سعد النفوس العفيفه……….

اللي رقى طود المراجل بأصرار

 

مثل الوبل بالجود همال كيفه…………………….

في كل وقت وله مع الفضل أسرار