المهدي تركي الرياحي جدة . السعودية
قابلتها صدفه ولكن صدفةٍ فيها عذاب
صارت طعونٍ لي طوال العمر ينزف دمها
ماكنت احسب لصدّف واللي وراها من حساب
مستأنسً منيب أفكر فالحياة وهمها
قلت أتمشى فوق شاطئ البحر يوم الوقت طاب
وأحب نسمات البحر قبل الغروب أشمها
لقيتها على رصيف البحر تقرأ في كتاب
كأن البحر وده على كبره يقوم إيضمها
والليل يوم أقبل تقول أنه خجل منها وهاب
من نورها اللي تشرق الدنيا منه و ايعمها
أنا حصل لي حيرةٍ منها . و لوثة وإكتئاب
وأشياء كثيرة سمها ياللي مجرب سمها
كن البحر رجع سماء وكن السماء رجع سراب
وكن البشر قدمي تجيها عاصفة واتلمها
كن المطر ينزل وأنا ماشوف من فوقي سحاب
وبرقٍ سطع من وجهها تضفي عليه ابكمها
مدري تصرفت ابخطأ وإلا تصرفت بالصواب
وعينٍ تصد من الخجل وعينٍ تطالع يمها
وتضايقت مني وقامت لا سوال ولا جواب
يوم وقفت من حسنها حسدت أبوها وأمها
يابحر خبرني متى ترجع هنا بعد الغياب
أظني أللقاها لو أسمع كلمةٍ من فمها
أنا أعرف إنك يابحر غير الهدؤ صمتك مهاب
لكن موجك يابحر حتى الجبال ايطمها
