محمد عبدالحميد السيد
مصر
بحب أرض بلادي وحبها اتولد
معايا بالفطرة
حب الوطن عبادة كلها سعادة ونور وبركة
أنا اللي كنت بحلم بالشهادة النهاردة
قبل بكرة
الشهيد بيفضل عايش عمره ماهيبقى
في يوم ذكرى
الشهادة حلم وأمنية عظيمة مش مجرد
كلمة ولا فكرة
اللى يعشق تراب بلده يجرى عليها ويحميها
لو عدوها فكر في يوم يحتلها أو حتى يبص عليها
يجرى عليها البطل وبروحه ودمه
يضحي ويفديها
الشهادة مكانة عالية ولازم من قلبك تكون
بتتمناها وناويها
الشهادة مش مجرد كلمة نقولها ونحكيها
أو نغنيها
لازم نكون عارفين تمنها وقيمتها
ومفيش شيء يساويها
أنا اللى حلفت بدمي وروحي أحمي بلدي
ولأخر نفس تكون رايتها في ايدي ماسكها
أنا الشهيد ياسادة
والشهادة هى السعادة
الشهادة دي عبادة
كل واحد فيكم يحكي عني لابنه وبنته
وكمان لأحفاده
عرفوهم يعنى ايه شهيد علموهم
معنى وفضل الشهادة
أنا اللى وقفت أحمي أرض بلدي
وأحافظ على الحدود
وقفت أنا وأخواتي الجنود سهرانين
نحرص أرضها زي الاسود
أعظم شرف انك تحافظ على أرض
أهلك أرض الجدود
أنا الشهيد طول حياتي رافع رايتها
أنا والجنود
من يوم ميلادي بعشق تراب بلدي عشق
جامد شديد
أنا الوحيد يوم وفاتي بتولد تاني
من جديد
أنا اللي يوم جنازتي بيقولوا عني
البطل الشهيد
هافضل معاكم بروحي مش هروح لمكان بعيد
انا حى في السما طاير عايش سعيد
من يوم ميلادي ومكتوبلي أكون شهيد
معاي هنا شهداء كتير واليوم ده عيد
وقولوا لأمي ولأبوي افرحوا يا أهل الشهيد
افرحو يا أهل البطل عريس الجنة الجديد
افرحي يا أمي ابنك النهاردة اتولد تاني
من جديد
راح سبقكم وحجز لك انتِ وأبوه وأهله
في الجنة مكان
هو ده وعد من نبينا المصطفى العدنان
الشهيد مقامه عالى فى أعلى الجنان
روحه حرة في السماء بتروح لأعلى مكان
من سعادته لما شاف مقامه قال ياريت
نلت الشهادة من زمان
وما تخافوش سايب لكم مكاني اخواتي
الأبطال هيدمروا أعداء الوطن أعوان الشيطان
. دي بلدنا مليانة أبطال رجالة
معروفين بالشجاعة في كل البلدان
هيفضلوا وراء كل خاين وهيهدموا
عليهم كل حجر هربوا وراه شوية فيران
اطمنو وما تخافوش وما تحزنوش
أنا معاكم وهنلتقي بأمر الله في جنة الرحمن
