جدة ـ كلمات الشاعر/ المهدي تركي الرياحي
حلمٍ سرق لي من جمال العمر والصحة سنين
المشكلة رغم الفشل للآن عيا لا يروح
متخيلٍ شيً يصير وكل شيء فيه زين
وأنا على العادة ما أقول السر ولا فيه أبوح
ورغم إني أدري وش نهاية حلم بعض الحالمين
لكن وش ذنب اللي ما بين نار وبين صوح
إذا تكلم عن همومه يفرحون الشامتين
وإذا صبر صار الالم فالقلب يبني له صروح
كل البشر على بعضهم في المشاكل جاهزين
أحدٍ يضويها بليل واحد يعرضها السروح
أكبر خطا يرتكبه الإنسان عرض الغافلين
لو كان من باب التندر والتسلي والمزوح
لا زاد هرج الغث فالمجلس على الهرج السمين
أبعد وأخلي مجلسي لثور والعنز النطوح
هذا سلوكي في المجالس كل وقت وكل حين
أدخل مع الأبواب وأكره الداخلين من السطوح
اليوم أنا ما ني على الدنيا وما فيها حزين
إذا ذكرت أني وفي قامن يطيبن الجروح
ولو كل من يغلط زرع له في الصحاري وردتين
صارت صحارينا جناين وردها عطره يفوح
عفت الأحلام الأولة وأطلقت هاجوس سجين
ما عاد أعذب روحي وعذبت معها كم روح
ويا ليت عندي عذر وأقنع به فضول السائلين
من شان أفرق فرحة الشامت عن أحزان النصوح
