الشاعر محمد عبد العزيز رمضان
مش غريبه إني أرجع
مره تانية وأقولها
إنك حياتي وكل عمري
ونور عنيا بحبها
هتقولي إني عليك بكدب
لا خلاص مشتاق لها
بحلم أعيش وياها وأفضل
باعترف محتاج لها
مش غريبه إني أبكي
في كل لحظة بالدموع
خايف يكون جوايا وهم
وحبنا مالهوش رجوع
خليك جنبي لو بعدت
دي نهايتي والوقوع
يانور عنيا أجمل هدية
شمس قلبي والشموع
مش غريبه أبقى وحدي
بعتني وخنت اللي كان
وندمت إني ف يوم عرفتك
أيوة ضاع بنا الأمان
وفاكرني هرجع تاني أصدق
همس قلبه والحنان
أنا كنت بحلم ألقى نفسي
قبل ما يفوت الأوان
واكتب حكاية حب عدى
من حياتي من زمان
يا خسارة مش ممكن هكمل
تهت تاه مني المكان
