الشاعر محمد عبد العزيز
لو كنت فاكر كل كلمة
بنا مش محتاج كلام
بس أنت بعت الحب كله
خلاص ما يفرقشي الملام
روح سبني وأبعد عني
أصل الحب مش كلمة وغرام
وكأن كل اللي أنت قلته
كان رواية في المنام
وقتلت حلمي سجنت روحي
في سجن أشبه بالحطام
وسألت نفسي ليه يسيبك
عايشة وحدك في الضلام
فكرت إنه كان حبيبك
صعب يقبل بالخصام
رماكي أيوة وكان نصيبك
شط عالي والإنهزام
ورجعت أسأل نفسي تاني
ممكن أرجع لا حرام
أقبل بكدبه مرة تانية
يبقى ده سوء الختام
لو كنت فاكر إنه شاري
لا هتندم ع اللي كان
هيقول ويكدب قلبه خالي
أوعى تديله الأمان
هيقول بإنك عنده غالي
وف دقيقة راح يبان
بيحب نفسه وكل همه
يسرق الشوق والحنان
عامل ضحية وهو جاني
وحبه وهم مالوش مكان
