الشاعر محمد عبد العزيز رمضان
كنت بحلم تبقى جنبي
كنت بحلم أبقى ليك
كنت عمري يا كل عمري
عمري دايماً بيناديك
والليالي الحلوة عندي
جوا قلبي أنا مش ناسيك
يا حبيبي أنا مش هخبي
تهت أنا في نظرة عنيك
نفسي تعرف كل حاجة
إن أنا مشتاق إليك
نفسي أسمع نبض قلبك
يا حبيبي أنا دبت فيك
ليه نسيت الحب بنَّا
حبي مش لعبة في إيديك
كنت بحلم بيك وافكر
عمري ما نسيت اللي فات
نفسي مرة إنك تِقَدَّر
ليه تبيع الذكريات
ليه تقول إنك مسافر
ليه تقول الحب مات
كنت بحلم ألقى حلمي
ألقى حلمي من جديد
بس تاه الحلم مني
عني تاه وبعيد بعيد
يا طيور الفرح غني
واهزمي الحزن الشديد
