محمد جمعان الدوسري
عيلات بوحي جات والرأس مشغول…………………..
واللي عناه البوح يابري لحاله
إذا تذكر صاحب(ن)له كذا حول……………………
يشكي وليف(ن)راح ماعنه
داله
أقفت به الأقدار ماعاد له زول…………………..
الاوميض أطلال يحمل خياله
يسري معاه و ذابل الحال معلول……………………
ومن كود حمله شال ملا وقوى له
وذكر الوله بالشوق لو دمدم طبول……………………..
مكنون معلول(ن)عناه إعتلاله
وناجى فلول البوح بالعرض والطول………………….
ولوكاد غيره ما يكوده نوى له
والبوح للمعلول لاشك ما يزول……………………..وطيف من يهواه دايم قباله
وترى الهوى في النفس ماهوب كشكول………………..
مداول(ن)للي يناجي خياله
لكن تعلات الهوى ذكرها يهول……………………..
إللي فؤاده حي وما حس شاله
والبوح لامن صال ياتي على طول……………………
للي برم حبله وحضر نواله
وأرسل تعلاته مع كل مرسول…………………..
للي يعاني الوجد لو ماشتكى له
وفاضت شعابه كأنها من الجوى سيول……………………..
تنقل هميل الوجد لكل واله
وبين الجموع و في فضى النفس له قول……………………….
واللي يعيش الوجد ما شاف قاله
هذا وذاك وكل لاهي ومشغول………………..
لاشاف له معلول ياوي لحاله
وترى رواة الشعر من كل منقول………………….
شالوا جميل القول وحطوا سماله
