محمد عبد العزيز رمضان
يا سينا يا سينا
والله رجعت لينا
يا أغلى الحبايب
يا غالية علينا
سلملي عليها
بوسها من إيديها
يا رب يا ساتر
استرها عليها
شمسها وسماها
ربنا حماها
محروسة بأسودها
وبيهلك عداها
روح وابعت سلامي
بلغها غرامي
مش ممكن هوفي
حقها بكلامي
فيها الكل صاحي
واقف وبسلاحي
ههزم كل طامع
يا بلسم جراحي
عارف فين حدودي
من أول وجودي
لو فكرت تغدر
راح تخسر وعودي
فاكره يوم عبوري
يوم ما هل نوري
على أرضك بقوة
يا أصلي وجدوري
كبَّرنا ونادينا
على أرضك صلينا
وزرعنا الجناين
بعرقنا وإيدينا
