رابية الأحمد
سوريا
مابدي فل
دخلك مابدي فل خليني
نبضة بوسط هالقلب تسقيني
وزهر ال خلق للشم ب أيلول
سافر وراح بعيد ناسيني
تذكر هاك الدمعات ع تيابي
تقلي مافيك تعيش بغيابي
قلبك خلق مرهون ع حسابي
ونار الهجر كل يوم تكويني
بعدا شجرة الصفصاف والكينا
ذكرى جميلة تحكي ع ماضينا
بالسر ياما نلتقي وتحتن غفينا
حبك خلق بالدم يرويني
حساسين غنت عالغصن موال
زهر البنفسج حزنان ما بينطال
فراشات حزنانة على الترحال
رجع الشتي وحبك بيدفيني
حبك يا أسمر بالقلب غفيان
متل البدر لو يطلع بنيسان
ساكن بجوا الروح مو عرفان
انك نبض هالقلب تحييني
بقلمي رابية الأحمد
