حديث الروح

محمد جمعان الدوسري

صحيت وما صحيت إلا وشبحي بعد نومي غير………………………..

وأنا في دوحة أحلامي عجزت أشوف قدامي

أسولف بك وأنا نايم وعند الظهر وبعد عصير……………………

وإذا بانت رسومك لي تلاشت كل أسقامي

غلا ولا هوى ولا هيام كدت منه اطير……………………..

وهذي حالة الواله إذا صابه هو(ن)حامي

عيون الشوق تاخذني الى روضك وأنا ما اسير……………………..

أحلق في السما هايم ولطير الشوق دمدامي

تسلهم لي واسلهم لك ونفحات الغرام تغير…………………….

وللملتاع والشاقي مرافي بحره الطامي

ترفق لا تخليني عليل (ن)فاقد التدبير……………………

ترى جسر الهوى لانهد ما تبنيه الأحلامي

سلامة قلبك الطيب عسى ما خانني التعبير…………………

وإذا ما خانني التعبير تسمع زفرة أنسامي

ترى الأيام ما تغير هوى الملتاع وين يصير…………………..

رسوخ الشوق في لبه يحيط القلب بأحكامي

بغني لك وأنا واقف وادمدم في هواك الزير………………..

وتسرح بي فنون البوح كأني في الهوى رامي