المهدي تركي الرياحي
السعودية . جدة
ياوجودي كل ما الشمس مالت للغروب
واقبل الليل وغطت ظلمته روس الرجوم
وجد من يضيق صدره يبي ريح للهبوب
واحبطه ياسه وحالة تعرض للهموم
وجد من يذكر رجالٍ يفكون الكروب
الرجال اللي تعرف العوايد والسلوم
اخطفتهم سود الايام والدنيا اللعوب
كلهم صاروا تحت رحمة الرب الرحوم
من فراق الطيبين اعترى وجهه شحوب
والحزن اصبح رفيقه معه يجلس يقوم
من سبايب جادلً ماخلق فيها عيوب
فتنةٍ من حبها جا على كبده وسوم
حبها نارٍ على القلب مشتبه شبوب
جاء عذاباً لي يوم اوصالها منه محروم
ما حصل لي جعله أجرٍ وتكفيرة ذنوب
حيث انا خايف من الله واصلي واصوم
حارت الخطوة عليه وضاقن الدروب
يوم جاء من دونها قوم والاقصين قوم
اهلها قوماً تضد المعادي بالحروب
والعداوة مبطيه بين اهلها والبقوم
سترها واجب علينا وهو شي محسوب
مانبي علماً تجيبه مروجت العلوم
المهدي تركي الرياحي
