رابية الأحمد سوريا
ياريت
ياريت أنتِ وأنا بالحب متفقين
وأكتب حكاية عشق قديش بهواكي
ونسكن ع غصن متل شي طيرين
وأفرد جناحي بالبرد دفيكي
وكرمال قلبك وعيونك الحلوين
بفتح أنا هالقلب خبيكي
خايف عليكي من برد تشرين
رموشي وعد فيهن بغطيكي
وان كان بيك وبيي مختلفين
بيع الدني كرمال عينيكي
وبدل المهر بدفع أنا مهرين
بترخص الك هالروح بهديكي
ومن الزهر رح خيطلك فساتين
وطوق الخرز من العين يحميكي
نعيش بسعادة والعمر عمرين
وكون متل خاتم أنا بايديكي
ونصحا الصبح بالحب غرقانين
وفنجان قهوة من تحت ايديكي
الله خلق هالكون في حلوين
سبحان الله ال صورك وسواكي
بقلمي رابية الأحمد
