احمدعبدالحق
وتسكت ليه
وتنكر ليه
هو بعد ماتلاقي الحب
يحسك قلب
حضن تلم مشاعرك بيه
وتحسب ليه
عمر الحب ماكان أيام
ولا أحلام
ولا أي كلام
ولا حاسد بترد عليه
وتكدب ليه
عيونك ديما فضحاك
كل كلامك مكتوب بيها
حتي حضورك
حتي غيابك
علي طول كده متشوق ليها
برضو بتكتب
أكتب يلا وعلم فيهم
عيد الدرس من الأول يلا
أكتب ليهم
قول أحساسك
أوعى تخاف منهم بالمرة
اطلع من برة القمقم
أهو قلمك هات كراسك
عيش أيامك مرة بجد
أوعى يهمك حبة تقاوويل
حبة تهاوويل
هي عشانك وأنت عشانها
جر كل حروف الجر
وأنسى المر
أصلك حر
أوعاك مرة يهمك تعليل
عيش في حنانها
راح والله كل أوانهم
عيش علشانها
أكتب كل المحسوس ليها
جرب مرة تعيش في أوانها
أرسم لوحه
جرب ترسم حلمك يلا
جوه عيونها
خليها تسكن كل مشاعرك
ذؤق قلبك ورده جميله
هو مكانها
حس ظروفها ..
الله علي الرقه ويا كسوفها
خش حروفها
وأكتب منها أحلى مشاعر
قول للدنيا خلاص حبيت
حد منكم مخلوق زيي
لما يحب بيكون ساحر
ولما بيعشق بيحضن قلب
جربوا يلا تلبسوا توبي
حتي عيوبي
جربوا أحساسي معها
عيشوا جواها
صعب عليكم تحسوا حنانها
صعب تعيشوا احساس الشاعر
