علموني

محمد جمعان الدوسري

علموني كيف أسوي وأعالج لي جروح…..

من وجعها زاد ضعفي وٱلامي أكبرت

علموني كيف أعدي وأتجنب جنوح…..

نفسي اللي ماتحمل أساها لإعثرت

بين ٱهات المواجع وأحزاني أبوح……….

لوكتمت اللي أعانيه أوجاعي أثمرت

كلما شفته هصرني حزن نفسي وين أروح……..

لجة الأحزان تدمي فؤادي لاسبرت

البلاوي موجعات..وفي مفاليها شبوح…….

والعزوم تخور مني إذا عيني أمطرت

أتغنى بالقصيد اللي كتبني وما أنوح……

بس رجع الوجد يعصرني

ونفسي إستبصرت

ماحد(ن)يدري بحالي وريحة أحزاني تفوح…….

والمواجع حد سكين(ن)

على الغارب جرت

كم سنين مجدبات عانقتني وبوضوح……….

كلما زادت جروحي ونفسي إتوترت

قلت يارب بعزيمه ولي قلب(ن) صدوح…….

يذكر الله في مناجاته إذا ماتعسرت

والرجا في الله ما ينفد

وأنا دايم طموح………..

وأثق إن اليسر بعد العسر شمسه أسفرت

والصبر زادي وهو للنفس لا برقت روح……..

لاتمسك به عليل الحزن نفسه أبصرت