ياهجوسي

محمد جمعان الدوسري

لد لي بيت سمعته وأنا قلبي صويب………………

وقمت أردد ما سمعته ودير لحونها

وأرفعه بالوزن خايف يجي لحني عطيب……………….

والشعر زاد المعنى .. قرى مكنونها

ياهجوسي قم معايه إلى غب القليب……………….

وطل في أقصى الركيه وشف مضمونها

الدروب أوساع لكن كيف يسبرها غريب………………

غربت المهموم في نفسه ينافح دونها

ما أمر من البلاوي سوى قل النصيب…………….

أن تردى الحظ جاتك فلول أطعونها

أتلفت ثم أنادي ولكن لا مجيب…………………

من يجيب إللي حزونه تسوق شطونها

أن كتبت أبيوتي إللي تخللها نحييب……………….

أكشف أطعون بقلبي شعم كانونها

ياوجودي وجد من أمسى وحاله مستريب………………

والبلاوي من غثاها تدير أصحونها

قاعد(ن)أجر لحني وأنا باعلا الكثيب…………………

قل بخت والملاوي تسن أسنونها

بس لا زادت همومي أشوف الله قريب……………….

والصبر سيف البلاوي وجرف أحصونه

والرجا والصير زادي وفضل الله قريب………………….

ومن رجع للجادة الحسنى ينافح دونها