المهدي تركي الرياحي جدة . السعودية
نام الغني وأخذ رصيدة حرامي
سارق ويلبس من ثياب الغني ثوب
وأصبح يقول أنا الشجاع الهمامي
ما ينوجد في سيرتي نقص وعيوب
فقولوا على الشعر الجزيل السلامي
مهما اجتهدتوا فيه ماهوب مرغوب
الذايقة محصورةٍ في الأسامي
لو الشعرخلطة هجيني ومسحوب
كل النصوص تصير ماهي تمامي
الإسم وحده يجعل النص محبوب
أقولها واثبت عليها كلامي
في بعض ناس عندها الفهم مقلوب
بعض الأسامي ما ثير اهتمامي
أشوفهم عالة على الشعر وذنوب
وإلا البعض يحظى بكل إحترامي
قصيدهم والله مقدر ومحسوب
وكثروا مجاريح الهوى والغرامي
كل الشورع صارت اسهوم وقلوب
صارالعدد كثر الجراد التهامي
هذا يجي من صوب و الحب من صوب
وصار اعتزال الشعر عندي أللزامي
مادام كلٍ له جماهير و قروب
