الأدب والشعر

السعودية العظمى

المهدي تركي الرياحي  جدة . السعودية

المهدي تركي الرياحي جدة . السعودية

وقت السنين الماضيات الشدايد

من الخوف كلاً عارفً ويش مصيره

 

كان الجهل سايد والإلحاد سايد

وتناحرأً في كل شبه الجزيره

 

وتمايم أهل الشرك فيهم قلايد

وقبور تعبد والمصايب كبيره

 

ثم انتهض شيخ وسيع البنايد

عبد العزيز والا يجي شيخ غيره

 

صار الأمام اللي للإسلام رايد

على طريق العدل قاد المسيره

 

وأسس لنا دوله بها الأمن سايد

رغم العواصف والضروف والمريره

 

وحدد بلاد وفكر وألغى العقايد

اللي بناها الجهل في كل ديره

 

بسيفاً على الطاغين وأهل المكايد

وإرشاد ينفع في العقول المنيره

 

لين أقبلوا للحكم كل البدايد

وتسابقوا مثل الخيول المغيره

 

والآن نجني من مسيره فوايد

مسيرةٍ يانعمها من مسيره

 

الله يديم الأمن والخير زايد

وعاش الملك سلمان صقر الجزيره

 

ومحمد اللي كايد لكل كايد

من رؤيته نجني مكاسب كثيره

 

مادام فا آل سعود لشعب قايد

كل دولةٍ كبرى نراها صغيره

مقالات ذات صلة

شاهد أيضاً
إغلاق
زر الذهاب إلى الأعلى