تأملات في زحام الحياه

محمد جمعان الدوسري

شخاتير مزن(ن)امطرت والمطر من حين……………………

الى من جرى في الشعب تنبت اعاشيبه

وأنا يشوش راسي وانتقي من الكلام الزين…………………….

وسلهم ولاحي البوح وان طاب أماري به

رماني الزمن من فوق رجم(ن)يسار يمين…………………….

وغييب علييه شوي وانا اهذري به

تعلمت من وقتي وما كان خافي يبين…………………….

ومع سجة اللاهين تاهت مساريبه

ترى الحي ياتي ما معه من الاماني شيين…………………….

غرير(ن)ضعيف(ن)

والتعب في تلابيبه

ويكبر ويسعى في حياته يبي التمكين…………………..

يحسب الامل راهي ويامن كلاليبه

يطارد هشيم الزاد لابان له من حين……………………..

كانه مخلد والمنايا

تهلي به

وبعد الشقا ومطارد العيش جاه البين…………………….

واصبح اديم(ن)يوم لفت دواليبه

وراحت حياته والمنايا كما السكين………………….

وما فاد حرصه والأمل راح تشبيبه

ترك كل ما جممع من المال زين وشين……………………..

وصارالرصيد يسوم حاله بتعذيبه

حصد ما بذر يوم استوت سجة اللاهين…………………..

ومن كان زرعه خير زانت مناسيبه

شخاتير فيض من التامل نداه يبين…………………..

نشوفه ولا ننساه ونعرف مساريبه