يازينكم ياأهل القلوب النظيفه…………………
اللي جمال خصالكم شي مألوف
موروث عز ما فختنا صريفه…………………..
نشرب قراح وكلنا حوله اوقوف
لكم مكان(ن) في الصفوف المريفه………………..
والصف الأول بين الأجواد له لوف
أفعال تشرق والمثايل كليفه…………………..
واللي يحب الخير للناس معروف
من جاه يلقى له فعول(ن) منيفه…………………
يشرق مروه والكرم ولف مصروف
وأهلا وسهلا ومرحبا له نزيفه…………………….
لو قل ماله راعي الفضل مخلوف
لاجله دحوم(ن)والكرم بعض كيفه……………….. افعال عليا وللعزم عند اقطوف
من طيب طيبه خافقه له رفيفه……………….
ساطي مروه لوغدا الرأس مكشوف
كل ما ذكرت الطيب يمر طيفه…………………..
عليي أشوفه من سنا طيبه ينوف
وأنا بذكره شاق قلبي رفيفه…………………
الذكر محمود(ن)والمد مخلوف
يا أبوي من مثلك إذا جاه ضيفه………………….
يكرم جنابه وما يتقفاه بحسوف
بنيت لك بيت(ن)ركونه مريفه……………………
وفي المراجل انت بالرأي عاصوف
كم عاني(ن)جا لك وحاله كسيفه………………….
عود لريفه وفي خبا جيبه ألوف
يابوي ذكرك ماحوته الصحيفه…………………
تبقى مع الأيام في الجود معروف
