المهدي تركي الرياحي
كنا صغار وشفتها في المراجيح
اطفال ياما احلى سنين الطفوله
ياناس في نظرات الاطفال تسبيح
مثل الفراش اذا لقى الورد حوله
نجري ، نطيح شوي. ونقوم ونطيح
مهبول انا فيها و فيُ مهبوله
نبدا لقاؤنا الفجر وقت المصابيح
ومن صبح لين الليل يرخى سدوله
نشوف كل الارض قطن و طراريح
ونرى مكان العابنا حجم دوله
لا فرقونا قامت اتصيح واصيح
ما نفترق عن بعضّنا با السهوله
ونكبر ويكبر حبنا دون توضيح
ماندري ان الحب سوى فعوله
تعرف ويش اللي اقصده دون تلميح
واعرف ويش اللي ترغبه ما تقوله
اليا تقابلنا سوات المشافيح
كلٍ يحس الناس ماهم بحوله
مثل العطر لا داعبه نسمة الريح
واطفال كلٍ صادقٍ في ميوله
ويوم ان في البستان نبتت تفافيح
انا انعزلت وهي غصب معزوله
قالوا لها يابنت عيب المراويح
وانا بعد حسيت معنى الرجوله
لنا سنين مبعدينٍ مجاريح
يضيق فينا الكون عرضه وطوله
✍️ المهدي تركي الرياحي
