المهدي تركي الرياحي
المملكة تعطى العالم ضياء و اهتمام
والنور ساطع على الدنيا من المسجدين
والراية اللي بها التوحيد فوق الحسام
من حولها تجتمع دوله وشعب فطين
سلام يا المملكة دار العدل والسلام
يادارنا الطاهرة ياقبلة المسلمين
ارضك مكان الأمن والعدل واحسن النظام
وانتي وصلتي مكانة تسعد العالمين
سماك سحب ومطر واسراباً من الحمام
في كل يوماً على صرح العلاء تصعدين
الله يزيدك فخر يابلادنا كل عام
وانتي بخير ورخاء وملوكنا سالمين
في نهضة شاملة تحظى بكل اهتمام
متابعه من ملك وولي عهدٍ أمين
اشرق بها النور من عبد العزيز الإمام
وصارت كما الدانه اللي تسعد الناظرين
فيها سواعد بناء فيها عقول الكرام
فيها اخلاص وولاء وبربها تستعين
اهدافنا رؤيةٍ وانظارنا للامام
وعزمٍ على الحق ثابت قاسياً مايلين
حنا نعرف الكرام وعارفين اللائام
وما يكره المملكة إلا من اصله هجين
حنا نراقب بصمت وعيننا ما تنام
واذا زعلنا على من غره ابليس شين
نصبر ونعطي فرص ومؤجلين الخصام
حتى نشوف الخطا ما يقبله صابرين
ونعرف ويش اللي يديرونه وحوش الظلام
ونعرف متى ننهي اللي خان والظالمين
واللي ما يهتم فينا مال حجمه مقام
ونجزاه مثل اللي قدمنا لنا مرتين
الله خلقنا كذا ما نعرف الانهزام
طبعٍ ورثاه ونوصي به الوارثين
