المهدي تركي الرياحي
يجي العشق صدفه حيث الانسان ماله دور
والاجساد تعشق عقب ما تعشق الارواح
وترى الحب له عالم ونظام وله دستور
يحافظ عليها العاشق الماهر اللماح
بعض حب ما يعلن يجي خافيً مستور
ويجي له عواصيفً شديدة ووقت افراح
سلامي على اللي كأنها النور و البلور
هاذيك الذي في جسمها التوت والتفاح
عذابي على شانك يجيني وانا مسرور
انا افرح مثل ما يفرح بزرعه الفلاح
قدومك قدوم الخير يا فاتنه والنور
تنفس بك الحظ الجديد وضحك ورتاح
حضرتي حضور الزهرة بواديً ممطور
سقاها الندى با الصبح والعطر منها فاح
هذاه انتي بوصفك وانا فيه مالي دور
ماعمره يشوفك واحد الا وقلبه طاح
انا اقول مالك شكلً الا بنات الحور
وقلبي وصل عندك وابيدينك المفتاح
