رابية الاحمد.
بالفيس عملنا مشوار
وكشفنا بعض الأسرار
ناس بطبعا غدارة
كل هما صار الدولار
واحد فاتحلك صفحة
بينشر أخبار بلمحة
يخلي بقلوبن فرحة
ومو شايف عنا الأسعار
والتاني منزل منشور
مكياج وكحلة وعطور
فرحانة يا ست بدور
بسرعة راتب جوزك طار
عندك سوق التنزيلات
عارض عندو موديلات
حاطط سعر البيجامات
نار وشعلت يا ستار
كوافيرا وعندا خبرة
بتفهم من أول نظرة
اسعارا نار وكبرة
بتعمل للجيبة سشوار
وبياع الخضرة الدرويش
محتار وكيف بدو يعيش
اخدت ايدو ع التعفيش
كيف بدو يغشك محتار
عندك صفحة بتربح مال
كذاب وطبعو محتال
عامل حالو وضعو عال
ومابيملك مصروف نهار
لو كان مني تدايقتو
وكلماتي ماتحملتو
أمري ل الله سلمتو
بأيد الواحد هالقهار
