بقلم : الشاعر محمد عبد العزيز رمضان
لا مش ممكن يوم راح نرضى
إننا نقبل بالتكوين
هما عصابه ونفسها تقضي
إنسى أحلامك روح يا حزين
فاكر نفسك بينا هتلعب
آخرة لعبك وحلة وطين
ليه بتشكك كدا وتخرف
قبلك حاولوا بالملايين
بس اتكشفوا لكل العالم
جهل وخسة وناس ملاعين
ربك حافظ دينه بأزهر
هو سلاحنا قولوا أمين
مهما تحاولوا مش هتلاقوا
غير ناس صاحيه ومش نايمين
كل كلامهم شك وريبه
جوا قلوبهم حقد دفين
بس يا ألف خسارة عليهم
خايبه عقولهم دول مساكين
أأقروا تاريخ العهد الماضي
شوفوا كلامكم كدا على مين
على علماء بالعلم إتحفروا
جوا قلوبنا سنين وسنين
وأنت يا خايب مهما تحاول
إحنا هنفضل كدا ثابتين
مش هنبيع العهد بكلمه
عند حدودنا كمان واقفين
وإزاى نسمع منكم حاجة
وأنتم أصلا ناس تافهين
قلبي وجعني لما لقيتهم
بيشككوا في أصول الدين
