الشاعر:محمد جمعان الدوسري
هذه الابيات تسمى
البوذيه وهذا النوع يكتب في البصره والكويت والبحرين وهو من طروق البحاره يغنيه النهام في الغوس وهو مقطعين فيها كلمه لها معنيين والمقطع الثالث ينتهي ب يه
وهذه مجموعة البوذيات
لكني جعلتها مرتبطه ببعض
زادت هواجيسي وأفخت صوابي…….
وضيعت مابين الغلط والصوابي…..
وأنا أترقب صاحبي لاصوى بي……….
بين الجميع وشبح عيني يباريه
يوم(ن)تحليته نباني سرابه…..
في غفلة الصاحين ذهني سرى به……….
وأنا اتملا جرعة(ن)من سري به…….
وفزيت ادور له عساني ألاقيه
قالوا ترى خلك بعيد(ن)ونادي……
مهوب حولك لاحشى لاتنادي……
بيدور راسك مالقاه المنادي……..
ولاأحد(ن)درى عن صاحبك وين أراضيه
جلست أفكر ساعة في محلي…….
وينه ووين أرضه عسى الضعن حلي…….
حول المكان اللي بقربه محلي…..
ويصبح ربيع ويهتني من سكن فيه
وأنحيت في رجم(ن) بعيد(ن)وخالي……..
ماغير أبرق في مكاني وخالي…………
ماحولي إلا ذكريات(ن) خوالي……..
تعبت وأتعبني ولازلت أباريه
حتى غشاني الليل والليل حالك………
كنه يقول أشلون جالس لحالك………
عساك طيب صاحبي كيف حالك.؟؟………
لاغاب عنك اللي توده وتغليه!!
