محمد جمعان الدوسرى
دارت في راسي ثم لج انفعالي.
وناديت لي ذكرى(ن) تفتح شبابيك
اشوف فيها طارفات الجمالي.
اللي هواها يفكك الوجد تفكيك
اطياف ذكرى ما فختني اقبالي…
وحصاد وقت(ن)حرك الامس تحريك
اشوف فيها لا اغطش الليل خالي.
وهو يجهز في عريشه اتاريك
وامي تجيب الجاز وتملا الدلالي.
وتصلح القهوه بطيب التباريك
وأنا صغير واللعب راس مالي..
في حوشنا اللي صافي (ن)كالسراميك
نلعب وراسي من الدواكيك خالي.
ان سج مره من سقى الشوق يسقيك
من الصبح إلين وقت الزوالي..
وبعد الغدا شرع لنا الباب ونجيك
انا واخوي وصفوة(ن)من عيالي..
لنا معاهم من قديم (ن)شرابيك
وعصير خالي ما فتر من سؤالي.
جب الحطب وانق الجروم المداميك
وانا اطالع في السنين الخوالي.
اللي كأن اسراجنا فليلها اتريك
اللي نعمنا بدفئها في ليالي.
ذيك السنين اللي هواها تباريك
لاهم لا احزان ووشجون وجدالي..
ولاهواجيس(ن)تلايم وتوذيك
اروح وارجع والهوى راس مالي..
وحنا كأنا بما وعينا مماليك
