Jannah Theme License is not validated, Go to the theme options page to validate the license, You need a single license for each domain name.
الأدب والشعر

حلمي أنجح

الشاعر محمد عبد العزيز رمضان 

الشاعر محمد عبد العزيز رمضان 

حلمي أنجح ابقى حاجة

وامسك النجم بإيدييا

نفسي القى نفسي تاني

نفسي أسبق نور عنييا

نفس اسأل يوم ألاقي

للسؤال دايما بقية

بس نجمي نجم عالي

نجمي صعب بعيد علييا

نجمي أصعب م الليالي

حلمي إنه يرضى بييا

حلمي أنجح أبقى حاجة

واهزم الخوف والظنون

وارسم الحلم لحياتي

لو هخاف إزاى هكون

هسقي حلمي بنور عنييا

مش هبيعه أو هخون

يكبر الحلم في ثواني

والورق يملى الغصون

حلمي أنجح أبقى حاجة

يرجع الحلم اللي مات

هقتل الوهم اللي عشش

جوا قلبي بالساعات

هقدر أهزم كل خوفي

وابتدي بقوة وثبات

مش هكون عبد لظروفي

اشتكي حظي اللي فات

همسك الحلم اللي عدى

مش هعيش في الذكريات

حلمي أنجح أبقى حاجة

ولطريقي مافيش رجوع

مهما ليل الحزن يطول

بكرا هنإيد الشموع

شمس بكرا علينا تطلع

تختفي كل الدموع

نقلع الآهات ونزرع

عزمنا وما فيش خضوع

للكسل واليأس نقلع

والأمل يصبح فروع

مقالات ذات صلة

شاهد أيضاً
إغلاق
زر الذهاب إلى الأعلى