الشاعرة : فوزية الجهورية
أكذب عليك إن قلت لك ما
أحبك
أصلا أنا أعشقك ومتيمه فيك
أشتقت لأنفاسك وعينك وحضنك
أشتقت أنا لضحكاتك ولمسة إيديك
أذكر إذا أزعل بتهديني وردك
وإن يوم ما شفتك ف قلبي يحاتيك
وأحيان أتغلا لجل جس نبضك
لكن خطواتي تسابق خطاويك
حبيب عمري أنا شمسك ف بردك
أحطك ف عيني ورمشي يدفيك
مجنونتك أدري وكلي يحبك
قلي عن العالم أنا وين أخبيك
وإن جيت تسألني أنا إن كنت أودك
هذا جوابي لك وليته يوفيك
