راشد بن عامر السلماني
عسى خير
جاتني متلهفة
قادها صوبي الشوق
قالت .. بالحلم شايفة
قلبي في بعدها محروق
عسى خير
حلم ليلتها جديد
قلبها اعرفه عنيد
كل شيء بالدنيا يصير
يتغير قلبها ويروق
* * * *
صمتها تغير إلى كلام
وبعيونها حيرة وخوف
نست بليلة الظلام
واعية. حيرانة. وتشوف
حولها برد وجمر
وفوقها نجوم وقمر
نست معنى النوم مرة
ونسى وجهها الشروق
* * * *
قلبها صار يعترف
بغلطة العمر الجديدة
وهي نادمة وتعترف
رحلتها معي سعيدة
حلمها غيّر الكثير
وقلبها صار لي أسير
ليت الليالي بنفس الحلم
يطيّرني من الفرحة لفوق.
