الشاعر: أحمد عبد الحق
لو خرجوا السمك من الميه
أكيد هيموت
ولو خرجت من حروفي
أكيد مصيرها السكوت
ولو علموني كل يوم
لو حاولوا يفرقوني
ساعتها بس هيكون بموت
الحب مش أحلام
ولا نهايته بكلام
ولا إحساس بريموت
الخلاصه هو غياب
يادوب محتاج حبة عتاب
أرض ..بس ملهاش حدود
حرف..بس مش مكتوب
يتحس ..يتعاش
تسأل قلبك رغم وجوده
يقولك والله لسه مجاش
مليون سؤال بين الأحبة
وساعة الجد متلاقي ردود
هو ده إحساسي بيك
أم ..أخت..بنت
في عيوني بألف ست
اللي قبلك عاشوا الحب
مرة واحده
أنا عندي مليون طريقه
مرة أحبك أم بحنانها
ومرة أخت حافظ كيانها
ومرة بنت عايش عشانها
ومرة أرض..ومرة عرض
ورده فرحانه بطينها
مرة أحسك حتة مني
حد مني
أروع إحساس ياقلبي
لمااحسك حد مني
حته مني
وعشان بحبك واكمني
عايش بأحساسك
حاسس بأنفاسك
وأن جت علي عيوني
عيوني حراسك
