في سفينة التأمل

محمد جمعان الدوسري

صوت الفضا يصفر وقلبي مصطلي………………….

والليل أغطش بي ولا شفت اسفره

أسامر نجومه وحالي ممتلي………………..

بأشواق ملتاعٍ يقلب دفتره

والناس كلٍ في طريقه لو خلي……………………

عينه على بكره ولو كل أنظره

أراجع الماضي وأشوف اللي يلي…………………..

وتاخذني السجه ولا لي مقدره

منجوم وهمومي عثر منها جملي……………

أحس بالوحشه وباقي لي شعره.

خميس وقتي جا عجاجه من عليي……….

كن الخلا موحش ولا فيه أثمره

كل ما تفيئ خاطري أو بأن لي…………………….

طيف الأمل.. الحزن وراني نحره

أقوس قبل أغوص وهذا اللي عليي………………….

وأحسب وأحاسب دام في وقتي اسفره

بعض التجارب تحتوي مستقبلي…………………..

لاصارت أحلامي عليي مسيطره

وإذا عثرت شوي ما فاد إزعلي………………………..

لادست برجولي السهول المقفره

واللي يبي يرقى المعالي ويعتلي…………………….

يسوس نفسه كي تجي مستبشره