محمد جمعان الدوسري
تحزمت ببيوت(ن)فؤادي لها مرباع……….
ابكتب قصيد(ن)يأخذ الحي لنجوعه
قصيد(ن)يجي إن طاب فيعه..زان و وشاع……
يخلي الحزين يجظ ويحرك ضلوعه
معاني لها مع نشوة المشتقى مقراع………
به أوجيه اهل الخير للبر مدفوعه
وأنا شاعر(ن)أكتب بيوتي ولي أوضاع…….
أباري هوى الأبداع في ساير اربوعه
وطالع لماضي ظمنا والسنين إجياع…….
لطرق الطروق اللي بها النفس مولوعه
هماليل سحب(ن)سابره والشعاب وساع……..
تساقى مسيلة سيل بدعي لينوعه
على الجال زول ابوي يمشي وله ايقاع…….
نروح ونجي يمه والروس مرفوعه
يهزم التعب بالصبر والصبر له مهزاع……..
إذا جن ليله أشرق الليل بخشوعه
طرى ف خيالي وإبتسم لي وأنامنصاع………
أشوفه وأدعو..ودعوة العبد مسموعه
عساه بنعيم الخلد وأمي وكل من طاع……….
لربه وصلى الفرض والنفل في نجوعه
وأنا في رحاب البر أجهشك كالمذياع……
نحيب الدموع يغذي القلب باللوعه
تخالجني العبره وأحوقل مع إسترجاع…….
وتسليم بالمكتوب لامد لي كوعه
أشوفه وأشوف أمي وهي كلها أوجاع……….
ورغم التعب تضحك والراس مرفوعه
إذا جيتهم و الجسم يشكي كما ألمرتاع…………..
أطيب ويطيب الحال من كامل أوجوعه
إلى من دخلت وشفتهم ف البيوت وساع……..
وهمزت رجل أمي أشوف المدى رووعه
مع أخواني اللي كلهم للوهن مقراع………
شموخ المراجل بينهم عين ينبوعه
على البر لا قاموا وفيهم هميم
جيياع……………………
لتقديم زاد البر وكلن وله جوعه
سلامي علينا نجتمع والقلوب وساع…………………..
بحب(ن)يلف الغصن بالساق وفروعه
ترى جمعة الأخوان يضوي على الأتباع………………………
نغذي به الانجال ويطيب ينبوعه
تراتيل أحساس(ن)كتبته وله إيقاع……………………
يخالج وجيبي لاتذكرت ويروعه
